BILBOKO HAMAR ELIZAK, BILBOKO UDALAK ANTOLATU DITUEN GABONETAKO ABESBATZA KONTZERTUAK JASOKO DITUZTE ABENDUAREN 30ERA ARTE

BILBOKO HAMAR ELIZAK, BILBOKO UDALAK ANTOLATU DITUEN GABONETAKO ABESBATZA KONTZERTUAK JASOKO DITUZTE ABENDUAREN 30ERA ARTE

Abandoko, Castañoseko, Deustuko, Zazpi Kaleetako, Santutxuko, Basurtuko, Errekaldeko, Atxuriko, Abusuko eta San Inazioko hamar elizak, Bilboko Udaleko Kultura Sailak antolatutako Gabonetako Abesbatzen Kontzertuak jasoko dituzte abenduaren 30era arte.

Aurtengo edizioan, ekimenak 27 talde bilduko ditu, eta ehun kantu baino gehiago eskainiko dituzte, horien artean Gabonetako kantak eta Euskal Herriko abesti herrikoiak, baina baita munduko beste leku batzuetakoak ere. Emanaldi guztietarako sarrera librea izango da.

Lehenengo emanaldiak datorren astean izango dira. Horrela, ostiralean, abenduaren 9an, Atxuriko Gizakundearen elizan, Otxote Lur Maitea eta Agrupación Coral Otxarkoaga bilduko ditu 19:30etan. Hurrengo egunean, abenduak 10, musika Deustuko San Pedro Parrokiara joango da, eta bertan Otxote Bilbao Argia, Sanfran Korue eta Garaizarko Matsorriak taldeek eskainiko duten kontzertuaz gozatu ahal izango da (20:00etan).

Gabonetako Abesbatza Kontzertuak Deustuko San Pedro Parrokiako egunaren ondoren itzuliko dira El Karmeloko Elizara, Abandoko Jesuiten Egoitzara, Abusuko Artzain Onaren elizara, Basurtuko Sortzez Garbiaren elizara, San Inazioko elizara, San Francisco de Asis parrokiara, Errekaldeko Errosarioko Andra Mariren elizara eta zikloa abenduaren 30ean amaituko da Castañoseko El Salvador Parrokian.

Programa honek bi helburu ditu: alde batetik, Bilboko abesbatzei, egun berezi hauetan gure Hirian aritzeko aukera eskaintzea; eta beste alde batetik, edozein adinetako eta edozein auzotako biztanleei, abesbatzen musika bikainaz gozatzeko aukera eskaintzea. Horrela, taldeek eskainiko duten errepertorioaren barruan abesti herrikoiak eta musika sakratua jasoko dira, Gabonetako mota guztietako kantei arreta berezia eskainiz.

EGITARAUA

OSTIRALA 9 VIERNES 19:30. Iglesia ENCARNACIÓN Eliza (Atxuri)

• OTXOTE LUR MAITEA – AGRUPACIÓN CORAL OTXARKOAGA

LARUNBATA 10 SÁBADO 20:00 Iglesia SAN PEDRO Eliza (Deusto)

• OTXOTE BILBAO ARGIA – SANFRAN KORUE – GARAIZARKO MATSORRIAK

OSTEGUNA 15 JUEVES 20:30 Iglesia EL KARMELO Eliza (Santutxu)

• BBKANTUZ KORUA – BAGABILTZA ABESBATZA – CORO DE INGENIEROS DE BIZKAIA

OSTIRALA 16 VIERNES 19:30 Residencia PADRES JESUITAS (Abando)

• JATORKI ABESBATZA – DEUSTOARRAK ABESBATZA – CORO Y ORQUESTA DE CÁMARA DE BILBAO

LARUNBATA 17 SÁBADO 20:00 Iglesia BUEN PASTOR Eliza (La Peña-Abusu)

• BEGOÑAKO SUSTRAIAK ABESBATZA – ARRAIZPE ABESBATZA – ANDRE BERRI ABESBATZA

ASTEARTEA 20 MARTES 19:30 Iglesia INMACULADA CONCEPCIÓN Eliza (Basurtu)

• EMITENIA CORO DE CÁMARA – EUSKERIA ABESBATZA

OSTEGUNA 22 JUEVES 20:00 Iglesia SAN INAZIO Eliza (San Inazio)

• CORO DEL CLUB DEPORTIVO – URRETXINDORRA ABESBATZA – ARS VIVA ABESBATZA

OSTIRALA 23 VIERNES 20.00 Iglesia SAN FRANCISCO DE ASÍS (5ª Parroquia) Eliza (Abando)

• SAN INAZIO ABESBATZA – ASOCIACIÓN CORAL ROSSINI DE BILBAO

OSTEGUNA 29 JUEVES 20:00 Iglesia NUESTRA SEÑORA DEL ROSARIO Eliza (Errekalde)

• GAUDEAMUS HODIE ABESBATZA – SAN ANTON ABESBATZA

OSTIRALA 30 VIERNES 19.30 Iglesia EL SALVADOR Eliza (Castaños)

• MIKEL DEUNA ABESBATZA – INMAKULADAKO ABESLARIAK ABESBATZA – CORO LAGUNDI